見到甜品車勁興奮

第一次去澳門食米芝蓮，感覺唔錯。 午餐有頭盤、主菜、芝士或甜品、咖啡或茶。 坐低冇耐，侍應就會推架麵包車介紹各款麵包，跟住送上麵包籃，我只食左綠色個款菠菜包，唔覺有菠菜味；圓麵包中間有芝麻個款就有芝士味和脆的口感。 🌸頭盤：煙燻蘇格蘭三文魚配特色芥末奶油 三文魚魚籽鮮甜，三文魚微鹹，芥末微辣。 🌸主菜：日本甘鯛配南法式海鮮濃湯 侍應在我面前倒海鮮湯，湯鮮甜美味，甘鯛肉質彈牙，魚鱗唔夠香脆。 🌸芝士或甜品 我總係覺得結尾係要食甜野先滿足，所以揀咗甜品。 每人可以揀兩款甜品，我見到甜品車勁興奮呀！隻熊仔很可愛，甜品亦都很精美。 🤣可能我太興奮的關係，侍應俾多件甜品我🥰。 🌸朱古力泡芙 我覺得係必揀的其中一款，泡芙脆口，朱古力唔甜。 🌸黑森林蛋糕 車厘子浸過酒，香得黎唔苦，朱古力餅底都係脆（難得）。 🌸芒果芝士蛋糕 雖然切開蛋糕很易散，但味道清甜唔膩，芒果甜美唔酸。 🌸食完蛋糕仲有雪芭，跟住侍應推咗復活蛋架甜品車，我哋又揀甜品，味道麻麻。最後飲埋檸檬茶。 侍應的服務態度唔錯，環境黎講，我覺得音樂可以細聲返少少，麵包籃可以因應客人的胃納決定俾幾多麵包，以免造成浪費。 #UCreatorHK#UCreator #BESTFOODwithUCreator #MOMENTSwithUCreator #澳門打卡#澳門美食#打卡熱點 #澳門必食#米芝蓮 #你去玩我找數 #打卡相我攞獎 #櫻花樹下